Cebu City – Isang basketball exhibition sa pagitan ng koponan ng Cebu City Police Office (CCPO) at ng Barangay Paril ang matagumpay na inilunsad sa Gymnasium ng Brgy. Paril, Cebu City, noong Miyerkules, Hulyo 12, 2023.
Ang aktibidad ay isang pagkilos ng CCPO katuwang ang pamahalaang panglungsod na naglalayong magpaabot ng serbisyo at kamalayan sa mga residente ukol sa agresibo at walang humpay na laban kontra droga at sa masamang dulot nito.
Bago pa ang naturang laro sa programang pinangunahan ni Police Colonel Ireneo Dalogdog, City Director, naging tampok ang mga kalakip na serbisyo ng aktibidad kabilang na ang libreng gupit, libreng legal at medical consultation, feeding activity, at ang pamamahagi ng mga bota, bola, at hygiene kits.
Kabilang sa mga nakibahagi sa makabuluhang aktibidad ang mga tauhan ng City Community Affairs and Development Unit, Police Station 8 CCPO, mga miyembro ng Regional Medical and Dental Unit 7, Regional Community Affairs and Development Division 7, Regional Police Community Affairs and Development Unit 7, Advocacy Support Groups, Force Multipliers, at ang mga opisyales ng barangay.
Labis naman ang tuwa at pasasalamat ng mga residente ng naturang lugar sa hatid na tunay na serbisyo ng kapulisan.
Makakaasa ang mamamayan na ang pulisya ay laging handang tumugon sa pangangailangan ng bawat miyembro ng komunidad para sa tahimik at ligtas na bayan.
