Cebu – Inilunsad ng Mandaue City Police Office ang Bloodletting Activity na ginanap sa MCPO Lobby, A Soriano Ave., Brgy. Centro, Mandaue City, Cebu, nitong Martes, Hulyo 11, 2023.
Ang aktibidad ay pinangunahan ni Police Colonel Jeffrey Caballes, City Director ng MCPO, katuwang ang mga kawani ng Mandaue City Health Office, Department of Health Central Visayas sa pangunguna ni Dr. Mar Carlo Alcontin, MDO III.
Kabilang sa mga masugid na kalahok ng gawain ang kapulisan at miyembro ng Advocacy Support Group at Force Multipliers ng lungsod maging ng mga tauhan Regional Police Community Affairs and Development Unit 7.
Aabot sa halos 40 na bag ng dugo ang nalikom sa aktibidad.
Bahagi ang makabuluhang aktibidad sa pagdiriwang ng PCR Month na may temang: “Serbisyong Nagkakaisa para sa Ligtas at Maunlad na Pamayanan”.
Pangunahing layunin nito na makatulong sa mga pasyenteng nangangailangan ng dugo at maging bahagi upang mapunan ang kakulangan ng suplay nito sa mga pagamutan.
Binigyan naman ng food packs ang mga nakiisa na mga miyembro ng Advocacy Support Group at Force Multipliers.
Lubos ang pasasalamat ng kapulisan ng lungsod sa suporta at pakikiisa ng publiko, pamahalaang panglungsod, at ng iba pang ahensya sa matagumpay na paggawa ng aktibidad.
