Sultan Kudarat – Nagsagawa ng Oplan BES (Bisita Eskwela I am Strong) ang mga tauhan ng Regional Community Affairs and Development Division 12 sa mga kabataang mag-aaral ng Sinapulan Elementary School, Barangay Sinapulan, Columbio, Sultan Kudarat nitong ika-11 ng Hulyo 2023.
Pinangunahan ni Police Colonel Ricky Rebua, Chief RCADD 12, ang aktibidad kasama ang mga tauhan ng Sultan Kudarat Police Provincial Office kasama sina Amante V. Abat, School Principal, Honorable Quintol Labuayan at ang Columbio MPS na boluntaryong nakiisa sa aktibidad.
Mahigit 150 na kabataang mag-aaral ang naging benepisyaryo na napamahagian ng mga laruan at kagamitang pang-eskwela.
Kasabay ng aktibidad ay nagturo din sila ng kaunting kaalaman patungkol sa Anti-Bullying Act of RA 10627 at nagsagawa din sila ng Feeding Activity.
Ang OPLAN BES o Bisita Eskwela I am Strong ay naglalayong ipakita na ang Pambansang Pulisya ng Pilipinas ay may higit na pagmamalasakit sa kaligtasan at proteksyon ng mga bata laban sa anumang uri ng pang-aabuso, pagsasamantala at diskriminasyon.
Panulat ni Patrolman Charnie Atienza Mandia
