Leyte – Nagsagawa ng Feeding Program ang mga kapulisan para sa mga kabataan ng Sitio Macaranas, Brgy. Capirawan, Palo, Leyte noong Hulyo 10, 2023.
Ito ay pinangunahan ng RACU 8 Cyber Cops kasama ang mga tauhan ng Regional Police Security and Protection Unit 8 (RPSPU8) sa pangunguna ni Police Corporal Neil Lumapas, PCR PNCO at sa pakikipag-ugnayan kay Pastor Douglas E Macalalag, Potters House Christian Fellowship.
Mahigit 40 na kabataan ang naging benepisyaryo na napamahagian ng mga pagkain at inumin.
Layunin nito ang makapag-abot ng tulong sa mga lubos na nangangailangan at mapababa ang bilang ng malnutrisyon sa nasabing lugar.
Patuloy na magsasagawa ng ganitong aktibidad ang Pambansang Pulisya upang isulong ang pagkakaisa tungo sa ligtas at maunlad na pamayanan.
