Camarines Norte – Tinatayang Php340,000 halaga ng shabu ang nasabat sa isang babae sa isinagawang buy-bust operation ng pinagsamang operatiba ng Camarines Norte PNP sa Purok 1, Barangay Masasugui, Labo, Camarines Norte nito lamang Hulyo 8, 2023.
Kinilala ni Police Major Herculano Mago Jr., Hepe ng Labo MPS, ang suspek sa alyas na “Gemma”, 45, dalaga, walang trabaho, residente ng FTI Compound Western Bicutan, Taguig City at pansamantalang naninirahan sa Barangay Calasgasan, Daet, Camarines Norte.
Ayon kay PMaj Mago Jr., bandang 10:55 ng gabi ng isinagawa ang operasyon ng pinagsanib na pwersa ng mga operatiba ng Labo MPS at Camarines Norte Police Provincial Drug Enforcement Unit (CN-PPDEU) sa pakikipag-ugnayan sa PDEA-Camarines Norte Provincial Office.
Nakumpiska mula sa suspek ang pitong pakete ng pinaniniwalaang shabu na may timbang na 50 gramo at may street value na Php340,000.
Mahaharap ang suspek sa kasong paglabag sa R.A. 9165 o ang Comprehensive Dangerous Drugs Act of 2002.
Mas pinaigting ng Camarines Norte PNP ang kampanya kontra ilegal na droga upang makamit ang ligtas at maayos ang komunidad.
Source: Labo Mps Cnppo
