Bacolod City – Timbog ang isang babaeng High Value Individual sa inilunsad sa buy-bust operation ng pulisya sa Brgy. Handumanan, Bacolod City nitong Hulyo 4, 2023.
Kinilala ni Police Captain Joven Mogato, Hepe ng CDEU, ang subject person na si alyas Linda, listed HVI, 66, walang trabaho, at residente ng Purok San Roque 1, Brgy. Handumanan, Bacolod City.
Bandang alas-5:42 ng umaga ng isagawa ang drug-bust operation ng pinagsanib na mga operatiba ng City Drug Enforcement Unit (CDEU) ng BCPO at Station Drug Enforcement Team ng Bacolod City Police Station 10 (PS10-SDET).
Ayon kay PCpt Mogato, nakumpisa mula kay Linda ang 8 pakete ng pinaghihilaang shabu kabilang ang buy-bust item na may kabuuang timbang na 26 gramo at may tinatatayang halaga na Php176,800.
Bukod sa droga, narekober din ang 1,000 peso buy-bust money, Php220 (cash proceeds) at isang coin purse.
Nahaharap ang subject person sa kasong paglabag sa RA 9165 o Comprehensive Dangerous Drugs Act of 2002.
Ang Bacolod City PNP ay patuloy sa pagpapaigting ng mga operasyon kontra ilegal na droga para sa kaligtasan ng mamamayan at makamit ang payapa at maunlad na komunidad.
