Bohol – Naghandog ng Libreng Pabahay ang mga tauhan ng Talibon Police Station sa isang Ginang sa Sitio Taytay, Barangay San Francisco, Talibon, Bohol na ginanap nito lamang ika-3 ng Hulyo 2023.
Idinaos ang blessing at turn-over sa pangunguna ni Fr. Sherwin Lim, katuwang sina Police Captain Amelito Melloria, Chief of Police ng Talibon PNP at Police Executive Master Sergeant Jose A Bongator DCOP/MESPO.
Ang naging benepisyaryo sa naturang libreng pabahay ay si Ginang Concordia Torremocha Bongator, 86, walang asawa, residente ng Sitio Taytay Barangay San Francisco, Talibon, Bohol.
Lubos naman ang pasasalamat ng ginang sapagkat siya ang napiling mabigyan ng maganda at disenteng tahanan.
Maliban sa pabahay ay nakatanggap din ito ng bigas at grocery items.
Nagpasalamat naman si PCpt Melloria sa patuloy na pagpapanatili ng mga kasamahan nito at stakeholders ng magandang programa tulad ng Pabahay. Hangad din niya na mas marami pang mga karapat-dapat na benepisyaryo ang mabigyan ng tahanan sa pamamagitan ng programang ito.
