Eastern Samar – Timbog ang isang tulak ng droga sa ikinasang operasyon ng Eastern Samar PNP sa Brgy. San Saturnino, Borongan City, Eastern Samar nitong Lunes, Hulyo 3, 2023.
Kinilala ni Police Colonel Matthe Aseo, Provincial Director ng Eastern Samar PPO, ang naaresto na si alyas “Ega”, 45, dried fish vendor, residente ng Borongan City, Eastern Samar at kasama sa Watch List ng PDEA.
Naaresto ang suspek bandang 5:15 ng hapon ng mga operatiba ng ESPPO – Provincial Drug Enforcement Unit (Lead Unit) sa pangunguna ni Police Major Gwen Alison C Corregidor, Borongan City Drug Enforcement Unit, PIT Eastern Samar, RIU 8 at Philippine Drug Enforcement Agency (PDEA) ESPO.
Nakumpiska mula sa suspek ang mga piraso ng heat-sealed plastic transparent sachet na naglalaman ng pinaghihinalaang shabu na tumitimbang ng humigit kumulang 10 gramo at may estimated market value na Php68,000.
Ang suspek ay mahaharap sa kasong paglabag sa Sec 5 at 11 ng Art. II sa ilalim ng RA 9165 o Comprehensive Dangerous Drugs Act of 2002.
Ang Eastern Samar PNP ay patuloy sa pagsasagawa ng operasyon laban sa ilegal na droga upang matigil ang paglaganap nito sa komunidad at mapanatiling ligtas ang bawat mamamayan sa kanilang nasasakupan.
