Iloilo City – Sumailalin ang nasa 335 na mga tauhan ng Police Regional Office 6 sa surprise drug test na isinagawa sa Maringal Lounge at Multi-Purpose Hall ng PRO6, Camp Gen Martin Teofilo Delgado, Iloilo City, nito lamang ika-4 ng Hunyo 2023.
Ang mga tauhan na sumailalim sa nasabing drug test ay binubuo ng 30 Commissioned Officers, 255 Non-Commissioned Officers at 50 Non-Uniformed Personnel.
Ito ay bahagi ng inisyatibo ng PRO6 at sa layunin ni PBGen Sidney N Villaflor, Acting Regional Director, na masigurong walang tauhan ng PRO6 ang sangkot sa anumang ilegal na droga.
Ito rin ay kaugnay sa 5-Focused Agenda ng Hepe ng Pambansang Pulisya na si PGen Benjamin C. Acorda, Jr., partikular na sa Integrity Enhancement na naglalayong mapanatiling malinis ang integridad ng bawat miyembro ng Pambansang Pulisya.
