Lanao del Sur – Nakumpiska ng mga tauhan ng Buadipuso-Buntong Municipal Police Station ang mga ilegal na troso sa Brgy. Dirisan, Buadipuso-Buntong, Lanao del Sur noong Hulyo 3, 2023.
Ayon kay Police Lieutenant Nur Basher Cayda, Acting Chief of Police, Buadipuso-Buntong MPS ay may tumawag na concerned citizen tungkol sa dalawang lalaking naghahakot ng troso sa lugar.
Agad itong pinuntahan para beripikahin ang nasabing ulat at tumambad sa mga ito ang walong piraso ng troso, subalit hindi na nila naabutan ang mga suspek.
Samantala, tinatayang nagkakahalaga ng Php5,600 ang nakumpiskang troso.
Ang matagumpay na pagkakakumpiska sa mga ilegal na troso ay resulta ng mabilis na tugon at aksyon ng kapulisan ng Buadipuso-Buntong MPS para mapanatili ang kaayusan tungo sa maunlad na pamayanan.
Panulat ni Patrolman Mark Vincent Valencia
