Ilocos Norte – Arestado ang isang Wanted Person sa ikinasang Manhunt Charlie Operation ng mga operatiba ng Ilocos Norte Police Provincial Office nitong Sabado, ika-1 ng Hulyo 2023.
Kinilala ni Police Colonel Julius Suriben, Provincial Director ng Ilocos Norte Police Provincial Office, ang suspek na si Nathan Mata y Abellon, 50, residente ng Gaddani, Tayum, Abra.
Ayon kay PCol Suriben, naaresto ang suspek sa bisa ng Warrant of Arrest sa kasong Murder na walang inirekomendang piyansa.
Naaresto ang suspek bandang 5:40 ng umaga ng pinagsanib na mga tauhan ng Batac City Police Station, Ilocos Norte Provincial Intelligence Unit at Regional Mobile Force Battalion 1 sa pakikipag-ugnayan sa Provincial Intelligence Unit ng Abra Police Provincial Office.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mamamayan ang hangaring ligtas at payapang komunidad.
Source: Batac City Police Station
Panulat ni PSSg Bader Ceasar Ayco
