Quezon City – Kasabay ng pagkilala sa mga natatanging miyembro ng organisasyon sa Tradional Monday Flag Raising Ceremony ang pagbubukas ng ika-28th Police Community Relation Month Celebration, na may temang “Serbisyong Nagkakaisa para sa Ligtas at Maunlad na Pamayanan” sa Camp Crame, Quezon City nitong Hulyo 3, 2023.
Sa pangunguna ng Hepe ng Pambansang Pulisya, Police General Benjamin C Acorda, Jr, at ng pangunahing pangdangal na si Hon. Benjamin B Magalong.
“The PCR month is the time of reflection and appreciation for the importance of community-oriented policing, it is a time when we reinforce the principle that “The Police are the public and the public are the police”, saad ng hepe.
Nagpasalamat naman sa buong kapulisan ang panauhing pandangal dahil sa patuloy na pagsisikap ng mga ito na makapaghatid ng serbisyong tapat at may malasakit sa kabila ng lahat ng kontrobersyang kanilang kinakaharap.
Sa bawat programa at proyekto na isasagawa sa loob ng month long celebration, umaasa tayong mas mapapalalim pa ang ugnayan at tiwala ng publiko sa ating mga kapulisan. Ang pagsasama-sama at pakikipagtulungan ng pulisya at komunidad ay isang mahalagang hakbang sa pagharap natin sa mga hamon ng lipunan at sa pagtataguyod ng kapayapaan at kaayusan sa ating bansa.
Patuloy naman na hinihimok ng organisasyon ang bawat isa na patuloy na maging bahagi ng pagbabago at pag-unlad sa ating bayan, upang maging mas malakas at mas matatag ang ating komunidad, sa tulong ng “Serbisyong Nagkakaisa” ng pambansang Pulisya.
