Isabela – Ipinaabot ng 120 residente ng Sitio Villa TJ, Delfin Albano, Isabela ang pasasalamat matapos makatanggap ng tulong sa isinagawang PNP Community Outreach Program ng Isabela Police Provincial Office sa kanilang Sitio lugar noong ika-23 ng Hunyo 2023.
Bahagi ng aktibidad ang pamamahagi ng mga food packs, assorted medicines at vitamins, pagsasagawa ng Project Aklat-Buklat, Project HEAL o Help Ease the Adversities of Life, Blood pressure monitoring at Check-up, Libreng Gupit at Feeding program.
Naging matagumpay ang programa na pinangunahan ni Police Lieutenant Colonel Emmanuel Viernes, Deputy Provincial Director for Administration bilang kinatawan ni Police Colonel Julio0 Go, Provincial Director ng Isabela Police Provincial Office; katuwang ang Lokal na Pamahalaan ng Delfin Albano Isabela; 142 SAB SAF; Bureau of Fire Protection; Rural Health Unit; Barangay Officials; Faith Based Leaders at mga miyembro ng Kabataan Kontra Droga At Terorismo.
“Hindi magsasawang maghatid ng serbisyo o tulong ang mga kapulisan katuwang ang ilang stakeholders lalong lalo na sa mga liblib na bahagi ng Isabela dahil sa hatid na pag-asa at saya ng ganitong aktbidad sa mga mapalad na makakatanggap nito”, ani PLtCol Viernes.
Serbisyong nagkakaisa ang tugon ng Pambansang Pulisya upang mas lalong mapatibay ang ugnayang pulisya at komunidad tungo sa payapa at maunlad na lipunan.
Source: Isabela PPO
Panulat ni Police Corporal Carla Mae P Canapi
