Davao City – Arestado ang isang drug personality sa isinagawang buy-bust operation ng PNP sa Km. 10, Brgy. Sasa, Davao City, noong Hunyo 23, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Bern”, 40, residente ng Brgy. Leon Garcia, Agdao, Davao City at tinaguriang Top 9 High Value Individual sa City level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS at City Intelligence Unit katuwang ang Davao City Maritime Police Station.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 0.61 gramo na may street market value na Php9,760 at ang marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Alden Delvo, PRO11 Regional Director, ang nasabing operasyon at nagpasalamat sa mga mamamayan dahil sa tulong na ibinibigay nila ay madaling nahuhuli ang mga lumalabag sa batas.
Panulat ni Patrolman Alfred Vergara
