Arestado ang 10 suspek sa mas pinalakas na laban kontra terorismo at krimen ng NCRPO noong Setyembre 12, 2021.
Sinampahan naman ng reklamong paglabag sa RA 10168, Section 4 (Financing of Terrorism), RA 11479 (Anti-Terrorism Act of 2020), at RA 10591 (Illegal Possession and Unlawful Selling of Firearms and Ammunition) ang ilang suspek na naaresto sa magkahiwalay na follow up operation sa Quezon City at Bulacan noong Septyembre 8, 2021.
Ang mga suspek ay sinamahan ng kani-kanilang tagapayo habang nasa inquest proceeding na isinagawa sa Hinirang Multi-purpose Hall, Camp Bagong Diwa, Bicutan, Taguig City na pinangunahan ni Senior State Prosecutor, Atty Peter L. Ong ng Department of Justice, Counter Terrorism/ Terrorism Financing.
Nangyari ang operasyon kasunod ng pagbawi sa mga 36 na armas sa lugar sa Samar. Mula doon, isang serye ng follow-up operation ang isinagawa ng NCRPO sa ilalim ng superbisyon ni PMGen Vicente Danao Jr. na nag-uwi sa pagkakaaresto ng sampung suspek.
Ang mga piraso ng ebidensyang nabawi ay pinaniniwalaang nagmula sa mga bahagi ng armas na itinapon ng mga manufacturer/nanalong bidder.
“Maawa naman kayo sa mga pulis at sundalong namamatay. Samantalang kami pa ang nagbibigay sa kanila ng mga military hardware na yon,” sabi ni PMGen Danao.
Nangako si PMGen Danao na gagawa ng malalim na imbestigasyon kung sino ang pinagkukunan at mga taong sangkot sa illegal trade at pagbebenta ng armas at amyunisyon.
Sinisiguro pa ni PMGen Danao na kapag nakilala nila kung sino ang mga taong ito, tiyak na sila ang sasampahan ng kasong kriminal at administratibo. (NCRPO-PIO / Isinalin sa Tagalog ni NUP Loreto B. Concepcion)
