Cebu – Masugid na nakiisa ang mga tauhan ng Boljoon Police Station sa isinagawang Community Outreach Program sa mga mag-aaral ng El Pardo Elementary School nito lamang ika-19 ng Hunyo 2023.
Ang naturang aktibidad ay pinangunahan ni Police Captain Amory Napoles, Officer-In-Charge, katuwang ng mga miyembro ng Elite Guardians Dalaguete Chapter sa pangunguna ni Henry Ricky Kurdero at TSP RMFB 7.
Sinimulan ang nasabing aktibidad sa pamamagitan ng pagbibigay kaalaman patungkol sa RA 7610 (Special Protection of Children against Child Abuse, Exploitation and Discrimination Act) at RA 9262 (Anti-Violence Against Women and Their Children Act of 2004).
Sinundan ito ng feeding activity sa tinatayang 100 na mag-aaral sa handog na feeding activity ng naturang grupo.
Patuloy na magsasagawa ng aktibidad ang Pambansang Pulisya katuwang ang ibat’t ibang ahensya ng pamahalaan upang ipaabot ang tulong at suporta sa mga mag-aaral na nangangailangan at hikayatin ang mga ito na mag-aral ng mabuti.
