Iloilo City – Kasunod ng Traditional Monday Flag Raising Ceremony ay isang ceremonial turnover ng nabiling 5,000 pirasong drug testing kits na isinagawa sa harap ng PRO6 Admin Building, Camp Gen Martin Teofilo Delgado, Fort San Pedro, Iloilo City, ika-19 ng Hunyo 2023.
Ang matagumpay na turnover ay pinangunahan ni PBGen Sidney Villaflor, Acting Regional Director ng Police Regional Office 6, kasama ang Command Group, Regional Staff, at iba pang matataas na opisyales ng PRO 6.
Ang nabiling drug testing kits ay ilalaan upang magamit sa pagsasagawa ng drug testing sa buong kapulisan ng Police Regional Office 6.
Ito ay bahagi ng hakbangin ng PRO 6 Top Cop sa pagpapaigting ng kampanya kontra ilegal na droga at sa hangaring masiguro na ang buong hanay ng PRO 6 ay malinis ang integridad at hindi sangkot sa anumang kalakaran ng ilegal na droga para sa maayos na pagpapatupad ng batas.
Ito ay kabilang sa 5-Focused Agenda ni Chief, PNP PBGen Benjamin C Acorda Jr na tumutukoy sa Integrity Enhancement ng buong hanay ng PNP.
