Negros Occidental – Arestado ang dalawang magkapatid at kanilang tiyahin sa inilunsad sa drug buy-bust operation ng PNP sa Brgy. 5, Silay City, Negros Occidental, noong Hunyo 19, 2023.
Bandang 12:15 kaninang tanghali ng isagawa ang drug-bust ng pinagsamang mga operatiba ng Silay City Police Station-Station Drug Enforcement Team.
Kinilala ni PLtCol Mark Anthony Darroca, Chief of Police ng Silay CCPS, ang mga naarestong si Bernard Arturo, High Value Individual, 26, kapatid nitong si Alfred Arturo, Street Level Individual, 22, at ang kanilang tiyahin na si Jenny Pada-on, 36, parehong mga residente ng nasabing syudad.
Ayon kay PLtCol Darroca, narekober sa mga ito ang walong piraso ng pakete na naglalamang ng suspected shabu kabilang ang buy-bust item at tumitimbang ng 13 gramo na nagkakahalaga ng Php88,400, buy-bust money na Php3,500, isang red, lighter at ilang mga non-drug items.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Hindi titigil ang Silay City PNP sa paghuli ng mga taong gumagamit at nagbebenta ng ilegal na droga upang masiguro ang kaligtasan ng mamamayan sa kanilang nasasakupan.
