Sultan Kudarat – Personal na binisita ni PGen Benjamin Acorda Jr., Hepe ng Pambansang Pulisya, ang mga nasawi at sugatang pulis na kasalukuyang nagpapagamot sa Sultan Kudarat Provincial Hospital, Isulan, Sulatan Kudarat nito lamang araw ng Lunes, Hunyo 19, 2023.
Kasabay sa ginawang pagbisita ni PGen Acorda Jr., ay ang pagbibigay parangal at tulong pinansyal sa dalawang nasawing kapulisan at sa apat pang kasalukuyang nagpapagaling sa nasabing ospital.
Kabilang sa mga layunin ng pagbisita ng CPNP ay pagbibigay ng mataas na moral sa mga naging biktima ng pang-aambush sa Brgy. Poblacion, Shariff Aguak, Maguindanao del Sur noong ika-14 ng Hunyo 2023, na siyang nagresulta sa pagkasawi ng dalawang magigiting na kapulisan at pagkakasugat pa ng apat na miyembro ng PNP.
Maliban sa mga naging biktima ng pananambang, nakatanggap rin ng tulong at parangal ang isang sugatang PNP SAF Trooper sa Datu Paglas makaraang magsagawa ang mga ito ng Search Warrant Operation.
Samantala, kabilang sa mga naging kasama ng CPNP sa kanyang pagbisita ay ang Governor ng Maguindanao Del Sur na si Hon. Bai Mariam Sangki Mangudadatu.
Patuloy pa ring pinaghahanap na otoridad ang mga nasa likod ng pananambang.
Panulat ni Patrolman Khnerwin Jay A Medelin
