Laguna – Arestado ang Regional Most Wanted Person sa kasong 3 Counts of Rape sa Joint Manhunt Operation ng Mabitac at Goa PNP nito lamang Hunyo 19, 2023.
Kinilala ni Police Colonel Randy Glenn Silvio, Acting Provincial Director, Laguna Police Provincial Office, ang suspek na si alyas Jonathan, residente ng Brgy. Tagongtong, Goa, Camarines Sur.
Naaresto ang suspek bandang 12:30 ng madaling araw sa nabanggit na barangay ng warrant personnel ng Mabitac Municipal Police Station sa pamumuno ni Police Major Earl Jangalay, hepe ng Mabitac MPS katuwang ang Goa Municipal Police Station.
Naaresto ang suspek sa bisa ng Warrant of Arrest na inihain ng Regional Trial Court Fourth Judicial Region, Branch 33, Siniloan, Laguna, sa kasong 3 Counts of Rape na walang inirerekomendang piyansa.
Nagpapasalamat at hinihikayat ng Laguna PNP ang mga mamamayan sa suporta at pakikipagtulungang sugpuin ang kriminalidad sa buong lalawigan para sa ikatatahimik, ikakaunlad at mapayapang Laguna.
Source: Laguna Police Provincial Office
Panulat ni Police Staff Sergeant Donabel T Dulin
