Tarlac – Tuloy-tuloy ang mahigpit na pagpapatupad ng Tarlac 2nd Provincial Mobile Force Company ang Anti-Criminality Checkpoint sa kahabaan ng Brgy. Poblacion 3, Pura, Tarlac nito lamang Linggo, Ika-18 ng Hunyo 2023.
Ang naturang operasyon ay pinangunahan ni Police Lieutenant Myla Dueñas ng Tarlac 2nd Provincial Mobile Force Company katuwang ang Pura Municipal Police Station.
Ininspeksyon ang mga official receipt, certificate of registration, at pagkakakilanlan ng mga motorista ng pampubliko at pribadong sasakyan.
Layunin nito na maharang ang mga may pananagutan sa batas at mapanatili ang kaayusan sa kanilang nasasakupan.
Samantala, pinaalalahanan din ng mga awtoridad ang mga motorista na laging magsuot ng helmet at magseat belt upang makaiwas sa kapahamakan.
Patuloy ang Tarlac PNP sa pagsusulong ng mga iba’t ibang programa ng ating Pambansang Pulisya sa pagpapanatili ng kapayapaan at katihimikan sa ating pamayanan.
Source: Tarlac 2nd PMFC
Panulat ni Police Corporal Jeselle V Rivera/RPCADU3
