Oriental Mindoro – Nagsagawa ng Community Outreach Program ang mga tauhan ng Mansalay Municipal Police Station sa Indigenous People’s Community ng Sitio Pookan II, Poblacion, Mansalay, Oriental Mindoro noong ika-17 ng Hunyo 2023.
Ang aktibidad ay pinangunahan ni Police Captain Aristotle Ermeno, Deputy Chief of Police, sa ilalim ng pangangasiwa ni Police Major Joel Saguid, Acting Chief of Police ng Mansalay MPS kasama ang 403rd B MC, RMFB 4B, Women Sector at mga barangay officials ng nasabing barangay.
Namahagi ang kapulisan ng foodpacks, libreng damit at nagsagawa rin ng feeding program sa nasabing lugar.
Mahigit 100 na residente ang naging benepisyaryo ng nasabing aktibidad
Ang ganitong aktibidad ay naglalayong pagtibayin ang ugnayan ng mamamayan at kapulisan tungo sa progresibo, maayos at payapang komunidad.
Panulat ni Patrolman Erwin Calaus
