Davao City – Arestado ang 4 na drug suspect kabilang ang isang High Value Individual sa isinagawang buy-bust operation ng PNP sa Davao City, noong Hunyo 17, 2023.
Kinilala ni Police Major Jake Goles, Station Commander ng Sasa Police Station, ang target ng operasyon na si alyas “Jiji”, 42, tinaguriang Top 3 HVI sa City level, habang inaresto din ang tatlong kasama nito na sina alyas “Princess”, “Orly” at “Rodolfo”.
Ayon kay PMaj Goles, naaresto ang mga suspek sa isinagawang buy-bust operation ng pinagsamang tauhan ng Sasa PS at City Intelligence Unit katuwang ang PDEA XI.
Dagdag pa ni PMaj Goles, nakuha mula sa mga suspek ang ilang pakete ng hinihinalang shabu na may bigat na humigit kumulang na 3.52 gramo na may street market value na Php70,400 at ang marked money na ginamit sa operasyon.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 11 ay patuloy sa pagsasagawa ng operasyon kontra sa ilegal na droga sa Rehiyon Onse upang makamit ang layunin na gawing drug-free ang rehiyon sa pamumuno ni PBGen Alden Delvo, PRO11 Regional Director.
Panulat ni Patrolman Alfred Vergara
