Quezon City — Tinatayang nasa Php346,800 halaga ng shabu ang nakumpiska sa dalawang suspek sa isinagawang buy-bust operation ng mga tauhan ng Batasan Police Station 6 ng QCPD nito lamang Huwebes, Hunyo 15, 2023.
Kinilala ni QCPD Director PBGen Nicolas Torre III, ang mga suspek na sina Jessrel, 34 at Rj, 25, kapwa residente ng Brgy. Holy Spirit, Quezon City.
Ayon kay PBGen Torre lll, nangyari ang operasyon bandang alas-6:10 ng gabi, sa kahabaan ng IBP Road, Brgy. Batasan Hills, Quezon City matapos magbigay ng impormasyon sa pulisya ang isang concerned citizen hinggil sa aktibidad ng ilegal na droga ng mga suspek.
Isang pulis ang umaktong poseur buyer at bumili ng Php95,000 halaga ng shabu mula sa suspek na si Jessrel at sa ibinigay na pre-arranged signal ay naaresto sya kasama si Rj.
Nakumpiska ng mga otoridad ang 51 gramo ng shabu na nagkakahalaga ng Php346,800, isang sling belt bag at ang buy-bust money.
Sasampahan ang mga suspek ng kasong paglabag sa R.A. 9165 o ang Comprehensive Dangerous Drugs Act of 2002.
“Kami ay nagagalak sa tagumpay ng QCPD sa isinagawang operasyon. Ito ay nagbibigay lamang ng serbisyo ng katuparan sa ating pangakong makapagbigay ng tama at may kalidad na serbisyo,” ani PMGen Edgar Alan Okubo, Regional Director ng National Capital Region Police Office.
Source: SMART PIO QCPD
Panulat ni PSSg Remelin M Gargantos
