Palawan – Nagsagawa ng Coastal Clean-up Drive ang mga tauhan ng 3rd Platoon 2nd Palawan Provincial Mobile Force Company sa Sitio Barongbong, Brgy. Port Barton, San Vicente, Palawan noong ika-16 ng Hunyo 2023.
Pinangunahan ni Police Lieutenant Dirk Chadwick Mabasa, Platoon Leader, sa ilalim ng pangangasiwa ni Police Lieutenant Colonel Mhardie Azares, Force Commander ng 2nd Palawan PMFC kasama ang mga residente, guro at mag-aaral ng Barongbong Elementary School sa paglilinis ng mga kalat at basura sa nasabing lugar.
Ang aktibidad na ito ay isang regular na inisyatibo ng yunit na linisin ang kapaligiran sa baybayin at gawing mas kaaya-aya at mas ligtas na lugar para sa lahat. Ito rin ay pagsasabuhay ng PNP Core Values na “Makakalikasan”.
Ang gawaing ito ay alinsunod sa limang (5) agenda ng Hepe ng Pambansang Pulisya na naglalayong palakasin ang ugnayan at pagkakaisa ng Pulis, Simbahan at Komunidad sa pagpapanatili ng ligtas, maayos at mapayapang pamayanan.
Panulat ni Patrolman Erwin Calaus
