Iloilo – Pinangunahan ni Police Captain Maria Fe Umiten, Acting Chief of Police ng Anilao PNP, ang pagsasagawa ng Livelihood Training Program sa mga tricycle drivers sa Brgy. Pantalan, Anilao, Iloilo noong ika-14 ng Hunyo 2023.
Sa nasabing aktibidad ay nagtulong-tulong ang mga tauhan ng Anilao MPS upang turuan ang mga kalahok na 15 tricycle drivers kung paano gumawa ng Dishwashing Liquid.
Sa paraang ito ay maaaring magamit ng mga benepisyaryo ang natutunan upang makapagpatayo ng sariling negosyo upang makatulong sa kanilang mapagkukunan ng pang araw-araw na pangangailangan.
Ang isinagawang livelihood training na isinagawa ng Anilao PNP ay isa lamang sa mga programang hatid ng ating kapulisan upang makatulong sa paghahanap-buhay ng ating mga kababayan na higit na nangangailangan.
