Zamboanga City – Tinatayang Php340,000 halaga ng shabu ang nakumpiska sa ikinasang buy-bust operation ng mga awtoridad na nagresulta sa pagkakakulong ng tatlong suspek nito lamang Hunyo 14, 2023.
Kinilala ni Police Major Albert Alfaro, Acting Station Commander ng Zamboanga City Police Station 11, ang mga naarestong suspek na sina alyas “Romal”, alyas “Mawa” at alyas “Lang”, pawang mga residente ng Block 4 Lot 25, CDCP, Brgy. Sta. Catalina, Zamboanga City.
Ayon kay PMaj Alfaro, bandang 7:51 ng gabi nang mahuli ang mga suspek sa Brgy. Sta. Catalina, Zamboanga City ng mga operatiba ng Zamboanga City Police Station 11, Regional Mobile Force Battalion 9, Regional Intelligence Unit, 2nd Zamboanga City Mobile Force Company, Zamboanga City Intelligence Unit, Regional Intelligence Division 9 at PDEA.
Nakumpiska sa mga suspek ang siyam na transparent plastic sachets na naglalaman ng hinihinalang shabu na tumitimbang ng 50 gramo na tinatayang nagkakahalaga ng Php340,000, pekeng pera na ginamit bilang boodle money at isang kulay green purse.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat ni Patrolman John Ronald Tumonong/RPCADU9
