Sarangani Province – Nagsagawa ng Mangrove Planting ang mga tauhan ng PNP Maritime Group sa dalampasigan ng Sitio Linao, Tinoto, Maasim, Sarangani Province nitong ika-12 ng Hunyo 2023.
Pinangunahan ni Police Lieutenant Colonel Rizaldy Caballero, Acting Chief ng Regional Maritime Unit 12, ang aktibidad kasama ang Municipal Environment and Natural Resources at Lokal na Pamahalaan ng Sarangani na boluntaryong nakiisa sa aktibidad.
Umabot sa 200 na mangrove seedlings ang kanilang pinagtulung-tulungan na maitanim.
Natuwa naman ang mga residenteng naninirahan malapit sa lugar dahil sa pagtagal ng panahon ay magiging proteksyon ng dalampasigan ang mga itinanim na punla.
Layunin ng aktibidad na magbigay ng natural na imprastraktura at proteksyon sa mga kalapit na lugar sa pamamagitan ng pagpigil sa pagguho ng lupa sa panahon ng matinding bagyo.
Panulat ni Patrolman Charnie Atienza Mandia
