Oriental Mindoro – Kusang isinuko ng dating miyembro ng New People’s Army (NPA) ang mga pampasabog at live ammunition sa mga tauhan ng Mansalay Municipal Police Station sa Sitio Kilapnit, Brgy. Panaytayan, Mansalay, Oriental Mindoro noong Hunyo 11, 2023.
Kinilala ni Police Major Joel Saguid, Acting Chief of Police ng Mansalay MPS, ang nagsuko na si alyas “Ka Digos”, dating miyembro ng New People’s Army (NPA).
Ayon kay PMaj Saguid, kusang isinuko ni “Ka Digos”, ang isang (1) unit ng hand grenade, isang (1) unit ng lower receiver ng M16 rifle na may defaced serial number, isang (1) unit ng aluminum magazine ng M14 rifle at 11 rounds ng live ammunitions na 7.6mm sa mga tauhan ng Mansalay Municipal Police Station kasama ang Regional Intelligence Division MIMAROPA, Regional Intelligence Division NCR, Oriental Mindoro PPO Provincial Intelligence Unit, 10SAB PNP SAF, RMFB 403rd B Maneuver Company, at Oriental Mindoro PPO 3rd Platoon, 2nd Provincial Mobile Force Company.
Nasa kustodiya na ng Mansalay MPS ang nasabing mga armas at bala para sa kaukulang disposisyon.
Ang PNP ay patuloy na nananawagan sa mga miyembro ng makakaliwang grupo na magbalik-loob na sa gobyerno at sa mga gustong sumuko ng ano mang armas na hindi rehistrado upang matigil na ang karahasan at terorismo tungo sa mapayapa at maunlad na rehiyon.
Panulat ni Patrolman Erwin Calaus
