Iloilo City – Nakiisa ang mga tauhan ng Police Regional Office 6 sa pagdiriwang ng ika-125th na Araw ng Kalayaan na may temang “Kalayaan, Kinabukasan, Kasaysayan” na ginanap sa Camp Gen Martin Teofilo Delgado, Iloilo City nitong araw ng Lunes, ika-12 ng Hunyo 2023.
Habang itinataas ang watawat ng Pilipinas ay siya ring pagsaludo ng mga tauhan ng Police Regional Office 6 sa pangunguna ni PBGen Sidney Vllaflor, Regional Director ng PRO6 na kinatawan ni PCol Joriz Cantoria, Deputy Regional Director for Operations, kasama ang iba pang key officers ng PRO6 at mga Hepe ng Regional Support Units.
Nagpalipad ng mga puting kalapati ang mga opisyal ng PRO6 bilang simbolo ng isang Kalayaan, Katahimikan, at Pagkakaisa.
Kasunod nito’y ang pag-awit sa “Pilipinas Kong Mahal” kasabay ng pagwawagayway ng watawat ng Pilipinas.
Ang araw ng Kalayaan ay isa sa mga taunang pagdiriwang sa Pilipinas na ginaganap tuwing ika-12 ng Hunyo bilang pag-alala ng Pamamahayag ng Kalayaan ng Pilipinas mula sa Espanya noong Hunyo 12, 1898, at ang araw na ito ay nagpapaalala sa atin na ang pagkakaisa at pagtutulungan ay siyang susi ng ating tagumpay anuman ang hamon ng ating hinaharap.
