Palawan – Timbog ang isang lalaki sa isinagawang buy-bust operation ng mga tauhan ng Puerto Princesa City Police Office, Police Station 1 Drug Enforcement Team sa Brgy. San Miguel, Puerto Princesa City, Palawan noong ika-11 ng Hunyo 2023.
Kinilala ni Police Colonel Ronie Bacuel, City Director ng PPCPO, ang suspek na may alyas na “Patrick”, residente ng Puerto Princesa City, Palawan.
Ayon kay PCol Bacuel, naaresto ang suspek sa isinagawang buy-bust operation ng mga tauhan ng Puerto Princesa City Police Office, Police Station 1 Drug Enforcement Team.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002 matapos mabilhan ng hinihinalang ilegal na droga kapalit ng Php1,500.
Narekober rin mula sa suspek ang pera na ginamit bilang buy-bust money, at isang plastic sachet ng hinihinalang shabu na may tinatayang timbang na humigit kumulang 1.69 gramo at nagkakahalaga ng Php17,974.
Ang naarestong suspek at ang narekober na ebidensya ay nasa kustodiya ng Puerto Princesa City Police Office, Police Station 1 Drug Enforcement Team para sa eksaminasyon at tamang disposisyon.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
