Albay – Personal na binisita ni Police Brigadier General Westrimundo Obinque, Regional Director ng PRO5, ang mga Evacuation Centers sa Tabaco City, Sto. Domingo, Ligao City, Guinobatan, Daraga, Malilipot at Camalig, Albay upang tingnan ang sitwasyon ng mga residenteng nagsilikas dahil sa banta ng Bulkang Mayon nito lamang Hunyo 11, 2023.
Ang pag-inspeksyon sa iba’t ibang mga evacuation centers sa mga nasabing lugar upang siguraduhin ang maayos na kalagayang at kaligtasan ng mga pamilyang naapektuhan sa patuloy na pag-aalburoto ng Bulkang Mayon.
Mahigpit din na ipinag-utos ni PBGen Obinque sa kapulisan na nakatalaga sa nasabing mga evacuation centers ang pagkakaroon ng maayos na serbisyo at asistensya sa pagtugon sa ating mga kababayan na apektado ng sakuna.
Patuloy na pinapaalalahanan ng kapulisan ang mga pamilyang nakatira malapit sa Bulkang Mayon na makipagtulungan sa mga otoridad sa pagsasagawa ng agarang paglikas upang maiwasan ang anumang kapahamakan dulot ng pagputok ng Bulkang Mayon.
Source: PNP Kasurog Bicol
