Quezon City — Arestado ng Novaliches Police Station ang isang lalaki matapos yakapin at hawakan sa maseselang parte ng katawan ang isang nagrereklamong biktima dahil sa kalasingan nito lamang Hunyo 10, 2023.
Kinilala ni PLtCol Jerry Castillo, Station Commander ng Novaliches PS 4, ang suspek sa pangalang George, 40, at residente ng Don Crispulo St., Brgy. Gulod, Novaliches, Quezon City.
Naganap ang pag-aresto bandang alas-5:00 ng hapon sa No. 49 Kadalagahan St., Brgy. Gulod, Novaliches, Quezon City.
Kakaharapin ng suspek ang kasong Acts of Lasciviousness sa ilalim ng Art. 336 ng Revised Penal Code.
Pinuri naman ni PBGen Nicolas Torre III, District Director ng QCPD ang mga tauhan ng PS 4 sa kanilang pagpupursige sa pagpapanatili ng kapayapaan, habang pinipigilan at niresolba ang mga krimen sa kanilang lugar. Aniya, “Mas lalo pa naming paiigtingin ang kampanya laban sa kriminalidad sa ating siyudad upang tiyakin ang kaligtasan ng ating publiko.”
Source: QCPD PIO
Panulat ni PSSg Remelin M Gargantos
