Palawan – Nagsagawa ng Community Outreach Program ang mga tauhan ng 1st Palawan Provincial Mobile Force Company sa Sitio Tagbiao-biao, Brgy. Punta Baja, Rizal, Palawan noong ika-8 ng Hunyo 2023.
Ang aktibidad ay pinangunahan ni Police Captain Freddie Ugalde, Platoon Leader sa ilalim ng pangangasiwa ni Police Lieutenant Colonel Klinton Rex Jamorol, Force Commander ng 1st Palawan PMFC, kasama ang 18th Special Forces Company Philippine Army.
Ang aktibidad ay kaugnay sa pagdiriwang ng 6th Founding Anniversary at Family Day ng Tagbiao-biao Elementary School, kung saan nagbigay serbisyo ang grupo sa pamamagitan ng libreng gupit, at feeding program para sa ating mga kapatid na Katutubo ng Sitio Tagbiao-biao.
Sa aktibong suporta at pagsisikap ng isang Non-Government Organization na pinangalanang “Helping Hand” na pinangunahan ni Gng. Donna Baldemosa, ang nasabing aktibidad ay matagumpay na naisakatuparan.
Ang aktibidad ay naglalayong palakasin ang ugnayan at pagkakaisa ng Pulis at Komunidad upang mapanatili ang kapayapaan, kaligtasan at kaunlaran ng bansa at mapaigting ang pagsuporta sa EO 70 NTF-ELCAC.
