Albay – Patuloy na nagsasagawa ng pre-emptive evacuation sa mga barangay na sakop ng Six (6) Kilometers Radius Permanent Danger Zone ng Bulkang Mayon sa bayan ng Daraga, Albay nitong umaga ng Biyernes, Hunyo 9, 2023.
Pinangunahan ni Police Lieutenant Colonel Carl Joseph Jaucian, Hepe ng Daraga MPS, katuwang ang LGU-Daraga, MDRRMO at iba pang ahensya ng Pamahalaan ang paglikas sa mga residenteng apektado matapos itaas sa Alert Level 3 ng PHIVOLCS ang Bulkang Mayon dahil sa banta ng pagputok nito.
Tinatayang nasa 390 na pamilya at 1,517 na indibidwal ang nailikas sa Barangay Mi-isi na pansamantalang mananatili sa Daraga Evacuation Center Phase 1, Barangay Anislag, Daraga, Albay.
Pinaalalahanan din ng pulisya ang mamamayan na nasa immediate danger zone ng Bulkang Mayon na maging mapagmatyag, mag-ingat at sumunod sa mga abiso ng otoridad para sa kaligtasan ng lahat.
Source: Daraga Mps Albay Ppo
