Iloilo – Nagresulta sa pagkakakumpiska ng 70 gramo ng pinaniniwalaang shabu na may tinatayang halaga na Php560,000 kasunod ng isinagawang Search Warrant Operation ng PNP sa Brgy. Camalonggo Calinog, Iloilo, nitong ika-9 ng Hunyo 2023.
Inilunsad nitong Biyernes, alas-7:20 ng umaga sa bahay ng suspek ang paghahain ng Search Warrant ng mga tauhan ng Calinog Municipal Police Station na pinanguhan ni Police Major Myles Dieron, Chief of Police.
Kinilala ni PMaj Dieron ang nahulihan ng droga na si Rogelio Legaspi Jr , 24, at residente ng nabanggit na barangay.
Sa paghahalughog ng mga tauhan ng Calinog MPS ay nadiskubre sa tahanan ng suspek ang 14 piraso ng medium heat-sealed transparent plastic sachets na naglalaman ng suspected shabu na tumitimbang ng 70 gramo.
Dagdag pa, narekober din sa bahay nito ang isang short firearm homemade 12 gauge shotgun (break type) na may kasamang tatlong live ammunition, isang yunit ng Vivo Cellphone at mga disposable lighters.
Ang suspek ay nahaharap sa kasong paglabag sa RA 9165 (Comprehensive Dangerous Drugs Act of 2002) at RA 10591 (Firearms and Ammunition Regulation Act).
Hindi titigil ang Calinog PNP sa paghuli ng mga taong may pananagutan sa batas upang masawata ang ilegal na droga at ano mang uri ng kriminalidad tungo sa isang mapayapa at ligtas na komunidad.
