Camiguin – Nasa 125 na kilo ng basura ang nakolekta sa muling pagsasagawa ng Provincial Simultaneous Coastal Clean-up Drive ng Camiguin PNP nito lamang Huwebes, ika-8 ng Hunyo 2023 sa Haruhat Balokbolok, Mambajao, Camiguin.
Ang aktibidad ay aktibong nilahukan ng 24 na tauhan ng Camiguin Police Provincial Office sa pangunguna ni Police Major Guillermo Hamot sa ilalim ng pamumuno ni Police Colonel Marlou Martinez, Acting Provincial Director.
Sa naturang aktibidad ay may 10 kilo ng recyclable na basura at 115 kilo na mga basura na non-recyclables na may kabuang 125 kilo na nakolekta ng grupo.
Ito ay pamamaraan ng Camiguin PNP na hikayatin ang komunidad na panatilihing malinis ang kapaligiran at karagatan para sa patuloy na pag-unlad.
Panulat ni Patrolman Joshua Fajardo/RPCADU10
