Iloilo City – Timbog ang isang Top Priority High Value Individual sa isinagawang buy-bust operation ng Regional Police Drug Enforcement Unit 6 at SDET ng Molo PNP sa Brgy. North Baluarte Molo, Iloilo City, noong ika-7 ng Hunyo 2023 na nagresulta sa pagkakasamsam ng higit sa Php1 milyong halaga ng shabu.
Kinilala ni Police Captain Glenn Soliman, Team Leader ng RPDEU 6 ang tatlong indibidwal na sina Danmar Duremdes alyas “Dan2”, 39, Top Priority HVI; Maressa Duremdes y Gonzales, 61, SLI; at si Gene Catalan y Grandeza, 47, isa ring SLI at pawang mga residente ng Molo, Iloilo City.
Ayon kay PCpt Soliman, ang pag-aresto ay isinagawa matapos magsabwatan ang mga suspek sa pagbebenta ng isang pakete na naglalaman ng pinaniniwalang shabu sa pulis na nagsilbing posuer-buyer kapalit sa halagang Php17,000.
Kasabay nito ang pagkapkap sa mga suspek ay narekober pa ang 30 pakete ng suspected shabu sa posesyon ni Danmar Duremdes at 2 pakete naman kay Gene Catalan.
Sa kabuuan, humigit kumulang 165 gramo ng shabu na may Standard Drug Price na Php1,122,000 ang narekober sa mga ito.
Dinala ang mga nadakip sa custodial facility ng Iloilo City Police Station 4 at mahaharap sa kasong paglabag sa R.A. 9165 o Comprehensive Dangerous Drugs Act of 2002.
Ang matagumpay na anti-illegal drug operation ng Iloilo City PNP ay magpapatuloy hangga’t hindi tuluyang napupuksa ang ilegal na droga lungsod.
