Cagayan de Oro City – Bilang bahagi ng pagdiriwang ng World Environment Day, nakiisa ang mga tauhan ng Cagayan de Oro City Police Office sa Simultaneous Coastal Clean-up Drive sa Umalag River, Brgy. Tablon, Cagayan de Oro City nito lamang Hunyo 6, 2023.
Pinangunahan ito ng mga tauhan ng Cagayan de Oro City Police Office sa ilalim ng pamumuno ni Police Colonel Aaron Mandia, City Director ng Cagayan de Oro City Police Office, katuwang ang Force Multipliers, Provincial Environment and Natural Resources Office, at mga estudyante.
Bahagi ito ng core values ng Pambansang Pulisya na “Makakalikasan.”
Sa pagsisikap ng mga nabanggit na grupo, umabot sa 10 sako ng basura ang nakuha.
Patuloy ang iba’t ibang ahensya ng pamahalaan lalong lalo na ang Pambansang Pulisya sa pag-aalaga ng kalikasan sa pamamagitan ng mga aktibidad upang makaiwas sa baha at anumang uri ng sakuna dulot ng maruming kapaligiran at nakakalbong kalikasan.
Panulat ni Patrolman Edwin Baris/RPCADU10
