Iloilo – Patay ang isang High Value Individual na drug pusher matapos itong manlaban sa isinagawang drug buy-bust operation sa Sitio Naluoyan, Barangay Sapao, Dumangas, Iloilo, ika-6 ng Hunyo 2023.
Ikinasa ang naturang drug operation kaninang 3:53 ng umaga ng pinagsamang mga operatiba ng Provincial Drug Enforcement Unit ng Iloilo Police Provincial Office, Provincial Intelligence Unit at Dumangas Municipal Police Station.
Kinilala ang nasawing suspek na si Gerard Joseph Ruben Gelario, residente ng Florville Subd., Barangay Buray, sa bayan ng Oton, Iloilo.
Ayon kay Police Major Harold Rendora, Hepe ng Iloilo Provincial Drug Enforcement Unit, pagkatapos ang transaksyon sa pagbebenta ng drug suspek ng pakete ng pinaniniwalaang shabu sa nagpanggap na poseur buyer, bigla itong nagpaputok ng kanyang baril sa mga operatiba na nagresulta sa isang engkwentro.
Nagtamo ng gunshot wounds ang subject person at itinakbo pa ito sa Ramon Duremdes Hospital ngunit siya ay idineklarang dead-on-arrival.
Samantala, narekober naman sa subject person ang 11 na malalaking pakete ng suspected shabu na tumitimbang ng 380 gramo at may tinatayang halaga na aabot sa Php2,584,000.
Dagdag pa, sa isinagawang imbestigasyon ng Regional Field Unit 6, Scene of the Crime Operation (SOCO) Team, ay narekober sa lugar ng operasyon ang isang caliber .45 pistol na kargado ng tatlong live ammunition, 4 na empty shells ng 9mm, at 2 basyo para sa cal.45 pistol, cellular phone, identification cards at ilang mga non-drug items, kabilang ang honda wave motorcycle na ginamit ni Gelario.
Patuloy ang buong Iloilo PNP sa pagsasagawa ng operasyon laban sa kriminalidad at ilegal na droga para sa isang maayos, maunlad na komunidad.
