Isabela – Naghatid ng wheelchair ang mga miyembro ng Naguilian Police Station sa isang batang may kapansanan sa Purok 4 Barangay Quirino, Naguilian, Isabela noong Hunyo 2, 2023.
Ayon kay Police Major Junneil Perez, Hepe ng Naguilian Police Station, ang benepisyaryo ay si Angelo Marinduque Gutierrez, 14 na taong gulang at hindi makalakad dahil sa sakit na Polio.
Dagdag pa ni PMaj Perez, matagumpay na naisakatuparan ang proyekto sa tulong at suporta ng Pamahalaang Panlalawigan ng Isabela at naging tulay lang ang mga kapulisan upang mabigyan ng pag-asa ang benepisyaryo.
Lubos ang pasasalamat ng mga magulang ni Angelo sa natanggap nilang tulong para sa kanilang anak.
Ipinakita ng mga kapulisan ang malasakit sa kapwa at pakikipag-ugnayan sa mamamayan lalo na sa mga lubos na nangangailangan.
Source: Naguilian Police Station
Panulat ni Police Corporal Carla Mae P Canapi
