Sarangani Province – Boluntaryong sumuko ang isang miyembro ng Communist Terrorist Group (CTG) sa mga awtoridad sa Kiamba, Sarangani Province nito lamang Hunyo 3, 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang boluntaryong sumuko na si alyas “Albert”, 33, dating miyembro ng Guerilla Front 73 MUSA Far South Mindanao Region (FSMR) at residente ng Brgy. Gasi, Kiamba, Sarangani Province.
Bandang 10:30 ng umaga nang boluntaryong sumuko si alyas “Albert” kung saan isinuko rin nito ang isang yunit ng Springfield Garand Rifle na may kasamang dalawang bala.
Matapos ang ginawang pagsuko, agad namang iprinisinta sa Municipality Mayor ng Kiamba na si Hon George Falgui, ang Former Rebel kung saan agad itong nabigyan ng panimulang tulong pangkabuhayan.
Samantala, siniguro naman ng PNP na patuloy na makakatanggap ng kaukulang tulong ang naturang dating CTG member mula sa pamahalaan sa pamamagitan ng programang Enhanced Comprehensive Local Integration Program o E-CLIP.
Panulat ni Patrolman Khnerwin Jay A Medelin/RPCADU12
