Cebu City – Arestado sa operasyon ng kapulisan ang 37-taong gulang na lalake na wanted person sa kasong 2 Counts of Attempted Murder sa Gorordo Ave., Brgy. Kamputhaw, Cebu City noong Hunyo 2, 2023.
Kinilala ni Police Lieutenant Colonel Maria Theresa Macatangay, Chief Investigation and Detective Management Unit (IDMU) ng Cebu City Police Office (CCPO) ang akusado na si alyas ‘Bokyol’, residente ng Brgy. South Poblacion, Naga City, Cebu.
Ang akusado ay naaresto dakong alas-2:20 ng hapon noong Biyernes ng pinagsanib na puwersa ng IDMU at ng Criminal Investigation and Detection Group (CIDG) sa bisa ng Warrant of Arrest.
Isang patunay na ang kapulisan ay hindi tumitigil sa pagtunton at pagtugis sa mga personalidad na patuloy na nagtatago sa pagkakasala sa batas.