Caloocan City – Muli nanamang naglunsad ng Pangkabuhayan Project ang mga tauhan ng 3rd Mobile Force Company ng Regional Mobile Force Battalion ng NCRPO na nakaangkla sa “Pangkabuhayang Handog ni Datu” na ginanap sa Barangay 176, Bagong Silang, Caloocan City nito lamang Huwebes, Hunyo 1, 2023.
Ang naturang programa ay naisagawa sa pangunguna ni Police Major Danilo Delizo, Company Commander, at sa pangangasiwa ni Police Colonel Jonathan Calixto, Force Commander, RMFB-NCRPO.
Ang nasabing proyekto na pinamagatan na “Mobile Negosyong Handog ni Mamang Pulis” Episode 5, na sinabayan pa ng CARAVAN gaya ng free haircut, distribution of hot meals, Medicine and Health kits Giving at Livelihood Training (liquid soap making), para sa ating mga mahal na nanay, post celebration ng Mother’s Day.
Nakatanggap din ng isang mobile food cart at set ng pangkabuhayan products si Ginang Elsie Bechayda na nakatanggap din ng potencee vitamins.
Namahagi rin ng health kits, lugaw, bottled water, body soap, liquid dishwashing soap ang mga residente ng naturang barangay.
Katuwang naman sa aktibidad ang 3rd MFC Advisory Council sa pamumuno ni PP Kent C Rubino ng Rotary Club of Mandaluyong Central at ng BPAT CAMANAVA, BPAT BRG, BPAT Agila, SM-Zoto Inc., Gawad Kalinga, COPS Patrol, Guardians International at ng butihing Punong Barangay na si Hon. Joel S Bacolod.
Ang proyektong ito ay naglalayong tulungan ang ating mga kababayan na mabigyan ng pangkabuhayan at mabigyan ng pag-asa sa gitna ng nararanasang kahirapan.
Source: RMFB NCRPO
Panulat ni PSSg Remelin M Gargantos
