Quezon City – Matagumpay na naisagawa ng mga estudyante ng Public Safety Junior Leadership Course Class 2022-01 ang Enhanced Community Immersion Program na ginanap sa Ipit-ipit Covered Court, Brgy. Pansol, Quezon City na nagtapos nitong ika-3 ng Hunyo 2023.
Ang aktibidad ay pinamunuan ni Police Major Nilberto Magallanes, Chief, Non-Academics Section ng National Capital Region Training Center, katuwang sina Police Lieutenant Colonel Reynaldo Vitto, Station 9 Commander, Quezon City Police District; Honorable Joseph Mahusay, Brgy Chairman; mga tauhan ng Barangay Anti-Drug Abuse Council (BADAC), Women’s Group, Youth Group at mga bata ng nabanggit na barangay.
Nagkaroon ng lektyur patungkol sa RA 9262 (Violence Against Women and Children Act), RA 11313 (SAFE Spaces Act), Roles of a First Responder at RA 9165 (Comprehensive Dangerous Drugs Act of 2002).
Nagkaroon din ng zumba na kung saan aktibong lumahok ang lahat ng mga women’s group, youth group, mga bata maging ang mga kapulisan.
Tampok din ang feeding program na may libreng arrozcaldo at macaroni soup at Medical Mission na may libreng konsultasyon at gamot para sa mga mahigit 50 pamilya.
Ang pagsasagawa ng Community Immersion ng mga kapulisan ay nagiging daan upang abutin ang mga malalayong lugar sa lipunan at para mailapit ang serbisyo ng pamahalaan.
Source: Enhanced Community Immersion Program, PSJLC Class 2022-01
Panulat ni Police Staff Sergeant Donabel T Dulin
