Cavite – Arestado ng PNP ang isang Top 1 Municipal Most Wanted Person sa kasong Robbery with Homicide sa Phase 5, Paliparan 3, Dasmarinas City, Cavite nito lamang ika-1 ng Hunyo 2023.
Kinilala ni Police Lieutenant Colonel Lee Allen Bauding, Chief, Luzon Field Unit ng Anti-Kidnapping Group, ang suspek na si Hadjir Lontua, dating miyembro ng Muloc Crime Group na naghahasik ng krimen sa Zamboanga Del Norte, residente ng Phase 5, Paliparan 3, Dasmarinas City, Cavite.
Ayon kay PLtCol Bauding, naging matagumpay ang pag-aresto sa akusado sa ikinasang operasyon sa pamumuno ni Police Captain Cindy Ranoy, Lead Unit katuwang ang SAC RDB at Godod Municipal Police Station.
Naaresto ang suspek sa bisa ng Warrant of Arrest sa kasong Robbery with Homicide na walang nirekomendang piyansa.
Ang PNP ay mas lalong paiigtingin ang paghuli sa mga Wanted Persons para sa kaayusan at kapayapaan ng probinsya at mabigyan ng hustisya ang mga naging biktima nito.
Source: Luzon Field Unit ng Anti-Kidnapping Group
Panulat ni PSSg Donabel Dulin
