Biliran – Napasakamay ng mga awtoridad ang Rank 10 Regional Most Wanted Person sa isinagawang joint intel-driven manhunt operation sa Brgy. Virginia, Culaba, Biliran nitong Hunyo 1, 2023.
Kinilala ni Police Colonel Felix Gervacio Jr, Provincial Director ng Biliran Police Provincial Office, ang naaresto na si alyas “Tonio”, magsasaka at residente ng Culaba, Biliran.
Ayon kay PCol Gervacio, isinagawa ang operasyon bandang 2:20 ng hapon ng mga operatiba ng Provincial Intelligence Unit Biliran PPO kasama ang Culaba Municipal Police Station, RIU 8 – PIT Biliran, BPPO PIDMU, CIDG Biliran Field Unit at Biliran PMFC.
Ang suspek ay naaresto sa bisa ng Warrant of Arrest sa kasong Statutory Rape na walang piyansang inirekomenda.
Ang PNP Biliran ay patuloy sa operasyon sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito at pinapaalalahanan ang publiko na makiisa sa mga programa ng kapulisan para sa isang tahimik at ligtas na komunidad.
