Oriental Mindoro – Nagsagawa ng Community Outreach Program ang mga tauhan ng Baco Municipal Police Station sa Barangay Bayanan, Baco, Oriental Mindoro nito lamang Biyernes, Hunyo 2, 2023.
Ang aktibidad ay pinangunahan ng mga tauhan ng Baco MPS sa pamumuno ni Police Captain Ermin Cabanding, Officer-In-Charge ng Baco MPS kasama ang mga miyembro ng Community Service with Integrity (CSI-IG).
Namahagi ang grupo ng food packs, libreng damit at nagsagawa din ng feeding program at pamimigay ng mga candies sa mga katutubong Mangyan ng nasabing lugar.
Layunin ng aktibidad na matugunan ang pangangailangan ng mamamayan at mapasaya sila sa ganitong paraan.
Sa pamamagitan nito ay mapapaigting ang ugnayan ng kapulisan sa komunidad.
Panulat ni Patrolman Erwin Calaus
