Samar – Naging matagumpay ang isinagawang negosasyon ng mga tauhan ng Calbiga Municipal Police Station sa isang miyembro ng Communist Terrorist Group sa Brgy. Polangi, Calbiga, Samar nitong Mayo 30, 2023.
Kinilala ni Police Captain Gregorio Wabina Jr, Acting Chief of Police ng Calbiga Municipal Police Station, ang sumuko na si alyas “Ato”, 50, magsasaka at residente ng Calbiga, Samar.
Kasabay ng pagbabalik-loob ni alyas “Ato” ay ang pagturn-over nito ng kanyang armas na isang shotgun.
Samantala, isasailalim naman si alyas “Ato” sa proseso ng pag-enroll sa Enhanced Comprehensive Local Integration Program (E-CLIP) ng ating pamahalaan.
Patuloy naman ang pagpapaigting ng Calbiga PNP sa programa kontra terorismo upang hikayatin ang natitira pang miyembro ng makakaliwang grupo na talikuran na at bawiin ang suporta sa CPP-NPA-NDF tungo sa isang maayos, maunlad, mapayapang bayan.
