Benguet – Tinatayang Php7,260,000 halaga ng marijuana ang nadiskubre ng Benguet PNP sa dalawang plantasyon sa isinagawang Major Internal Security Operation sa Sitio Batangan, Brgy. Tacadang, Kibungan, Benguet nito lamang ika-29 ng Mayo 2023.
Ayon kay Police Colonel Damian Olsim, Provincial Director, Benguet Police Provincial Office, naging matagumpay ang operasyon dahil sa pagsisikap ng mga operatiba ng 1st Benguet Provincial Mobile Force Company.
Nadiskubre ng mga awtoridad ang higit kumulang 300 na piraso ng Fully Grown Marijuana Plants (FGMP) na nakatanim sa land area na may sukat na 50 sqm na may Standard Drug Price na Php60,000, habang natuklasan naman ang higit kumulang 60 kilogramo ng pinatuyong Marijuana sa ikalawang plantasyon na may SDP na Php7,200,000.
Kaagad namang sinunog ng mga operatiba ang mga nadiskubreng marijuana at wala umanong naitalang nahuling marijuana cultivator.
Patunay lamang na ang Benguet PNP ay patuloy na papaigtingin ang kampanya kontra ilegal na droga upang mapuksa at mapanatili ang kaayusan at katahimikan sa buong probinsya ng Benguet.
